Konja Kaalam கொஞ்ச காலம்

 

கொஞ்ச காலம் இயேசுவிற்காக

கஷ்டப்பாடு சகிப்பதினால்

இன்னல் துன்பம் இன்பமாய் மாறும்

இயேசுவை நான் காணும் போது

 

அவர் பாதம் வீழ்ந்து பணிந்தேன்

ஆனந்த கண்ணீர் வடிப்பேன்

எந்தன் ஓட்டம் ஜெயத்துடன் முடியும்

அந்த நாடு சுதந்தரிப்பேன்

 

1. கஷ்டம் கண்ணீர் நிறைந்த உலகை

கடந்தென்று நான் மறைவேன்

ஜீவ ஊற்றருகே என்னை நடத்திச் சென்றே

தேவன் கண்ணீரைத் துடைத்திடுவார் - கொஞ்ச

 

2. இந்த தேகம் அழியும் கூடாரம்

இதை நம்பி யார் பிழைப்பார்

என் பிதா வீட்டில் வாசஸ்தலங்கள் உண்டே

இயேசுவோடு நான் குடியிருப்பேன் - கொஞ்ச

 

3. வீணை நாதம் தொனித்திடும் நேரம்

வரவேற்பு அளிக்கப்படும்

என்னை பேர் சொல்லி இயேசு கூப்பிடுவார்

எனக்கானந்தம் பொங்கிடுமே - கொஞ்ச

 

4. பலியாக காணிக்கையாக

படைத்தேனே உமக்காக

என்னை ஏற்றுக்கொள்ளும் இயேசு ஆண்டவரே

ஏழை நான் என்றும் உம் அடிமை – கொஞ்ச