Yesuvin Anbil Moolgavum இயேசுவின் அன்பில் மூழ்கவும்

 

1. இயேசுவின் அன்பில் மூழ்கவும்

  நேசத்தின் ஆழம் பார்க்கவும்

  இன்னமும் தீரா வாஞ்சையே

  என்னில் உண்டாகுகின்றதே.

 

  ஆட்கொண்டவர் நேசம்

  ஈடேற்றின  நேசம்

  இன்னும் மென்மேலும் வாஞ்சிப்பேன்

  உன்னத அன்பைப் போற்றுவேன்.

 

2. இயேசுவின் சொல்லும் சித்தமும்

  ஆசையுள்ளோனாய்ச்  செய்யவும்

  தேவ ஒத்தாசை நம்புவேன்

  ஆவியின் பேரில் சாருவேன்

 

3. நாதரின் இன்ப சத்தமும்

  வேதத்தில் கேட்டு நித்தமும்

  ஆத்தும நன்மை நாடுவேன்

  நீதியின் பாதை செல்லுவேன்.

 

4. இயேசுவின் இராஜரீகமும்

  ஆசித்த மா செங்கோன்மையும்

  விண்ணிலே தோன்றும் வண்ணமாய்

  மண்ணிலுண்டாகும் மேன்மையாய்.

Ella Namathirkum எல்லா நாமத்திற்கும்

 

எல்லா நாமத்திற்கும் மிக மேலான நாமம்

இயேசுவின் நாமமே

எல்லா தலைமுறையும் என்றும் போற்றிடும்

நாமம் இயேசுவின் நாமமே

 

இயேசு நாமமே ஜெயம் ஜெயமே

சாத்தானின் சக்தி ஒன்றுமில்லையே

அல்லேலூயா ஒசன்னா அல்லேலூயா

அல்லேலூயா ஆமென்

 

1. பாவத்திலிருந்து இரட்சித்ததே

இயேசுவின் நாமமே

நித்ய நரகத்திலிருந்து விடுவித்ததே

கிறிஸ்தேசுவின் நாமமே

 

2. சாத்தானின் மேல் அதிகாரம் தந்ததே

இயேசுவின் நாமமே

சத்ரு கோட்டைகளை தகர்த்தெறிந்திட்டதே

கிறிஸ்தேசுவின் நாமமே

 

3. சரீர வியாதிகளைக் குணமாக்குதே

இயேசுவின் நாமமே

தொல்லைக் கஷ்டங்கள் அனைத்தையும் நீக்கிடுதே

கிறிஸ்தேசுவின் நாமமே

Vaanathil oar Natchathiram வானத்தில் ஓர் நட்சத்திரம்

 

வானத்தில் ஓர் நட்சத்திரம்

என் உள்ளத்தில் இயேசு ராஜன்

 

 1. மாட்டுக்கொட்டினிலே தேவன் பிறந்தாரே

ஏழைக் கோலமாய் என் இயேசு பிறந்தாரே

 

2. தேவ தூதர்களும் விண்ணில் ஆர்ப்பரிக்க

மண்ணில் மனிதனாய் என் மன்னன் பிறந்தாரே

 

3. தேடி வந்த ராஜன் வாசம் செய்கிறாரே

  உள்ளம் நிறைந்து நாம் அவரைப் போற்றிடுவோம்

Thuthi Geethangalal துதி கீதங்களால்

 

துதி கீதங்களால் புகழ்வேன்
உந்தன் நாம மகத்துவங்களை
இயேசுவே இரட்சகா
உந்தன் நாமம் எங்கள் ஆறுதல்!

1 . தினந்தோறும் உம் தானங்களால்
நிறைத்திடுமே எங்களை நீர்
திரு உள்ளமது போல் எமை மாற்றிடுமே
கனிவோடெங்களை உந்தன் காருண்யத்தால்!

2. அலைமோதும் இவ்வாழ்க்கையிலே
அனுகூலங்கள் மாறும்போது
வழிகாட்டிடுமே துணை செய்திடுமே
கனிவோடடியார்களை காருண்யத்தால்

3. உம்மைத் துதிக்கும் வேளையிலே
ஊக்கம் அளித்த கிருபையல்லோ
உந்தன் சித்தம் என்னில் நிறைவேறிடவே
என்னை முற்றுமாக இன்று அர்ப்பணித்தேன்!

4. வானம் பூமியை படைத்தவரே
வாரும் என்று அழைக்கிறோமே
என்று வந்திடுவீர் ஆவல் தீர்ந்திடுமே
கனிவோடெங்களை உந்தன் காருண்யத்தால்

Senaiyathiban Nam Kartharuke சேனையதிபன் நம் கர்த்தருக்கே

 

1. சேனையதிபன் நம் கர்த்தருக்கே
செலுத்துவோம் கனமும் மகிமையுமே
அற்புதமே தம் அன்பெமக்கு – அதை
அறிந்தே அகமகிழ்வோம்

ஜெயக் கிறிஸ்து முன் செல்கிறார்
ஜெயமாக நடத்திடுவார்
ஜெயக்கீதங்கள் நாம் பாடியே
ஜெயக் கொடியும் ஏற்றிடுவோம்
ஜெயம் அல்லேலூயா அவர் நாமத்திற்கே 

2. தாய் மறந்தாலும் நான் மறவேன்
திக்கற்றோராய் விட்டு விடேன்
என்றுரைத்தெம்மைத் தேற்றுகிறார்
என்றும் வாக்கு மாறிடாரே — ஜெய

3. மேய்ப்பனில்லாத ஆடுகட்கே
நானே நல்ல மேய்ப்பன் என்றார்
இன்பச் சத்தம் பின் சென்றிடுவோம்
இன்பப் பாதைக் காட்டிடுவார் — ஜெய

4. சத்துருவின் கோட்டை தகர்ந்தொழிய
சத்தியம் நித்தியம் நிலைத்தோங்க
சாத்தானின் சேனை நடுங்கிடவே – துதி
சாற்றி ஆர்ப்பரிப்போம் — ஜெய

5. கறை, திரை முற்றும் நீங்கிடவே
கர்த்தர் நம்மைக் கழுவிடுவார்
வருகையில் எம்மைச் சேர்க்கும் வரை
வழுவாமல் காத்துக் கொள்வார் — ஜெய

Entha Kaalathilum Entha Nerathilum எந்தக் காலத்திலும் எந்த நேரத்திலும்

 

எந்தக் காலத்திலும் எந்த நேரத்திலும்
நன்றியால் உம்மை நான் துதிப்பேன்
இயேசுவே உம்மை நான் துதிப்பேன் துதிப்பேன்
எந்த வேளையிலும் துதிப்பேன்

1. ஆதியும் நீரே அந்தமும் நீரே
ஜோதியும் நீரே என் சொந்தமும் நீரே – எந்த

2. தாய் தந்தை நீரே தாதையும் நீரே
தாபரம் நீரே என் தாரகம் நீரே – எந்த

3. வாழ்விலும் நீரே தாழ்விலும் நீரே
வாதையில் நீரே என் பாதையில் நீரே – எந்த

4. வானிலும் நீரே பூவிலும் நீரே
ஆழியில் நீரே என் ஆபத்தில் நீரே – எந்த

5. துன்ப நேரத்தில் இன்பமும் நீரே
இன்னல் வேளையில் என் மாறிடா நேசர் – எந்த

6. ஞான வைத்தியராம் ஒளஷதம் நீரே
ஆத்ம நேசராம் என் நண்பரும் நீரே – எந்த

7. ஞானமும் நீரே கானமும் நீரே
தானமும் நீரே என் நாதனும் நீரே – எந்த

8. ஆறுதல் நீரே ஆதாரம் நீரே
ஆசையும் நீரே என் ஆனந்தம் நீரே – எந்த

9. மீட்பரும் நீரே மேய்ப்பரும் நீரே
மேன்மையும் நீரே என் மகிமையும் நீரே – எந்த

10. தேவனும் நீரே என் ஜீவனும் நீரே
ராஜராஜனாம் என் சர்வமும் நீரே – எந்த

Um Patham Paninthen உம் பாதம் பணிந்தேன்

 

உம் பாதம் பணிந்தேன் எந்நாளும் துதியே
உம்மையன்றி யாரைப்பாடுவேன் – ஏசையா
உந்தன் அன்பு உள்ளம் பொங்குதே

1. பரிசுத்தமே பரவசமே
பரனேசருளே வரம் பொருளே
தேடினதால் கண்டடைந்தேன்
பாடிட பாடல்கள் ஈந்தளித்தீர் — உம்பாதம்

2. புது எண்ணெயால் புது பெலத்தால்
புதிய கிருபை புது கவியால்
நிரப்பி நிதம் நடத்துகின்றீர்
நூதன சாலேமில் சேர்த்திடுவீர் — உம்பாதம்

3. நெருக்கத்திலே உம்மை அழைத்தேன்
நெருங்கி உதவி எனக்களித்தீர்
திசைக் கெட்டெங்கும் அலைந்திடாமல்
தீவிரம் வந்தென்னைத் தாங்குகின்றீர் — உம்பாதம்

4. என் முன் செல்லும் உம் சமூகம்
எனக்கு அளிக்கும் இளைப்பாறுதல்
உமது கோலும் உம் தடியும்
உண்மையாய் என்னையும் தேற்றிடுதே — உம்பாதம்

5. கனிசெடி நீர் நிலைத்திருக்கும்
கொடியாய் அடியேன் படர்ந்திலங்க
கிளை நறுக்கிக் களை பிடுங்கி
கர்த்தரே காத்தென்னை சுத்தம் செய்தீர் — உம்பாதம்

6. என் இதய தெய்வமே நீர்
எனது இறைவா ஆருயிரே
நேசிக்கிறேன் இயேசுவே உம்
நேசமுகம் என்றும் கண்டிடுவேன் — உம்பாதம்

7. சீருடனே பேருடனே
சிறந்து ஜொலிக்கும் கொடுமுடியில்
சீக்கிரமாய் சேர்த்திடுவீர்
சீயோனை வாஞ்சித்து நாடிடுவேன் — உம்பாதம்

Naan Unnai Vittu Vilaguvathillai நான் உன்னை விட்டு விலகுவதில்லை

 

நான் உன்னை விட்டு விலகுவதில்லை

நான் உன்னை என்றும் கைவிடுவதில்லை

நான் உன்னைக் காண்கின்ற தேவன்

கண்மணி போல் உன்னைக் காப்பேன்

 

1. பயப்படாதே நீ மனமே – நான்

காத்திடுவேன் உன்னை தினமே

அற்புதங்கள் நான் செய்திடுவேன்

உன்னை அதிசயமாய் நான் நடத்திடுவேன்

 

2. திகையாதே கலங்காதே மனமே – நான்

உன்னுடனிருக்க பயமேன்

கண்ணீர் யாவையும் துடைத்திடுவேன் உன்

கவலைகள் யாவையும் போக்கிடுவேன்

 

3. அனுதினம் என்னைத் தேடிடுவாய் – நான்

அளித்திடும் பெலனைப் பெற்றிடுவாய்

அத்திமரம் போல் செழித்திடுவாய் நான்

ஆசையாய் உண்ண கனி கொடுப்பாய்

 

4. நீதியின் வலக்கரத்தாலே உன்னை

தாங்குவேன் நான் அன்பினாலே

ஆவியில் உண்மையாய் ஜெபித்திடுவாய்

தினம் அல்லேலூயா என்றே ஆர்ப்பரிப்பாய்

Athikalaiyil Palanai Thedi அதிகாலையில் பாலனை தேடி

 

அதிகாலையில் பாலனை தேடி

செல்வோம் நாம் யாவரும் கூடி

அந்த மாடடையும் குடில் நாடி

தேவ பாலனை பணிந்திட வாரீர்

வாரீர் வாரீர் வாரீர் நாம் செல்வோம்

 

1. அன்னை மரியின் மடிமேலே

மன்னன் மகவாகவே தோன்ற

விண் தூதர்கள் பாடல்கள் பாட

விரைவாக நாம் செல்வோம் கேட்க — அதி

 

2. மந்தை ஆயர்கள் யாவரும் அங்கே

அந்த மன்னவன் முன்னிலை நின்றே

தம் சிந்தை குளிர்ந்திட போற்றும்

நல்ல காட்சியை கண்டிட வாரீர் — அதி

Alleluah Kartharaiye அல்லேலூயா கர்த்தரையே

 

1. அல்லேலூயா கர்த்தரையே ஏகமாய் துதியுங்கள்
அவர் நடத்தும் செயல்களெல்லாம் பார்த்தோரே துதியுங்கள்
வல்லமையாய் கிரியை செய்யும் வல்லோரைத் துதியுங்கள்
எல்லோரையும் ஏற்றுக்கொள்ளும் இயேசுவைத் துதியுங்கள்

ராஜாதி ராஜனாம் இயேசு ராஜன் பூமியில் ஆட்சி செய்வார்
அல்லேலூயா அல்லேலூயா தேவனைத் துதியுங்கள்

2. தம்புரோடும் வீணையோடும் கர்த்தரைத் துதியுங்கள்
இரத்ததினால் பாவங்களைப் போக்கினார் துதியுங்கள்
எக்காளமும் கைத்தாளமும் முழங்கிடத் துதியுங்கள்
எக்காலமும் மாறாதவர் இயேசுவைத் துதியுங்கள் --- ராஜாதி

3. சூரியனே சந்திரனே தேவனைத் துதியுங்கள்
ஒளியதனை எங்கள் உள்ளம் அளித்தோரைத் துதியுங்கள்
அக்கினியே கல்மழையே படைத்தோரைத் துதியுங்கள்
அக்கினியாய் கல்மனதை உடைப்போரைத் துதியுங்கள் --- ராஜாதி

4. பிள்ளைகளே வாலிபரே தேவனைத் துதியுங்கள்
வாழ்வதனை அவர் பணிக்கே கொடுத்து நீர் துதியுங்கள்
பெரியவரே பிரபுக்களே தேவனைத் துதியுங்கள்
செல்வங்களை இயேசுவுக்காய் செலுத்தியே துதியுங்கள் --- ராஜாதி

5. ஆழ்கடலே சமுத்திரமே தேவனைத் துதியுங்கள்
அலை அலையாய் ஊழியர்கள் எழும்பினார் துதியுங்கள்
தூதர்களே முன்னோடிகளே தேவனைத் துதியுங்கள்
பரலோகத்தை இந்தியர்கள் நிரப்புவார் துதியுங்கள் --- ராஜாதி

Oru Varthai Sollum Karthave ஒரு வார்த்தை சொல்லும் கர்த்தாவே

 

ஒரு வார்த்தை சொல்லும் கர்த்தாவே
எங்கள் வாழ்க்கை எல்லாம் செழிப்பாகுமே

உம் வார்த்தையிலே சுகம்
உம் வார்த்தையிலே மதுரம்
உம் வார்த்தையிலே எல்லாம் சந்தோஷம்

1.மாராவின் தண்ணீரெல்லாம்
மதுரமாக மாறிப்போகும்
கண்ணீர் மாறிடும், துக்கம் மாறிடும்
ஒரு வார்த்தை சொன்னால் போதுமே – நீர்

2.இருளான வாழ்க்கை எல்லாம்
ஒளியாக மாறிப்போகும்
கண்ணீர் மாறிடும், துக்கம் மாறிடும்
ஒரு வார்த்தை சொன்னால் போதுமே – நீர்

3.எரிகோவின் தடைகள் எல்லாம்
துதிகளாலே மாறிப்போகும்
கண்ணீர் மாறிடும், துக்கம் மாறிடும்
ஒரு வார்த்தை சொன்னால் போதுமே – நீர்

4.வியாதிகள் வறுமையெல்லாம்
விசுவாசத்தால் மாறிப்போகும்
கண்ணீர் மாறிடும், துக்கம் மாறிடும்
ஒரு வார்த்தை சொன்னால் போதுமே – நீர்

Nanum En Veetarum நானும் என் வீட்டாரும்

 

நானும் என் வீட்டாரும் உம்மையே நேசிப்போம்
உமக்காய் ஓடுவோம்
உந்தன் நாமம் சொல்லுவோம்

1. கைவிடா தெய்வமே கருணையின் சிகரமே
மெய்யான தீபமே என்வாழ்வின் பாக்கியமே

முழந்தாழ்படியிட்டு
முழுவதும் தருகிறேன் – நான்

2. எபிநேசர் எபிநேசர் இதுவரை உதவினீர்
யேகோவா ஈரே எல்லாம் பார்த்துக் கொள்வீர்;

3. எல்ஷடாய் எல்ஷடாய் எல்லாம் வல்லவரே
எல்ரோயீ எல்ரோயீ என்னைக் காண்பவரே

4. யேகோவாஷம்மா கூடவே இருக்கிறீர்
யேகோவா ஷாலோம் சமாதானம் தருகிறீர்

5. யேகோவா ரூவா என் நல்ல மேய்ப்பரே
யேகோவா ரஃப்பா சுகம்தரும் தெய்வமே

6. பரிசுத்தர் பரிசுத்தர் பரலோக ராஜாவே
எப்போதும் இருப்பவரே இனிமேல் வருபவரே

Um Samoogame En Pakiame உம் சமூகமே என் பாக்கியமே

 

உம் சமூகமே என் பாக்கியமே
ஓடி வந்தேன் உம்மை நோக்கிட
உம் குரல் கேட்க
இராஜா இயேசு இராஜா

1. ஒரு கோடி செல்வங்கள் எனைத்
தேடி வந்தாலும்
உமக்கது ஈடாகுமோ
செல்வமே ஒப்பற்ற செல்வமே
நல் உணவே நாளெல்லாம் உம் நினைவே

2. என் பாவம் நீங்கிட எடுத்தீரே சிலுவையை
என்னே உம் அன்பு
தென்றலே கல்வாரி தென்றலே
அசைவாடும் ஆட்கொள்ளும் என்னில்
ஆளுகை செய்யும்

3. எத்தனையோ எழில்மிகு காட்சிகள் கண்டாலும்
எல்லாமே மாயை ஐயா
தண்ணீரே ஊற்றுத் தண்ணீரே
உம் நதியில் ஒவ்வொரு நாளும்
மூழ்கணுமே

Athikalai Sthothira Bali அதிகாலை ஸ்தோத்திர பலி

 

அதிகாலை ஸ்தோத்திர பலி 
அப்பா அப்பா உங்களுக்குத் தான் 
ஆராதனை ஸ்தோத்திர பலி 
அப்பா அப்பா உங்களுக்குத் தான் – 2 

1. எபிநேசர் எபிநேசர் 
இதுவரை உதவி செய்தீர் 
இதுவரை உதவி செய்தீர் 
எபிநேசர் எபிநேசர் 

2. பரிசுத்தர் பரிசுத்தர் 
பரலோக ராஜாவே 
பரலோக ராஜாவே 
பரிசுத்தர் பரிசுத்தர் 

3. எல்ஷடாய் எல்ஷடாய் 
எல்லாம் வல்லவரே 
எல்லாம் வல்லவரே 
எல்ஷடாய் எல்ஷடாய் 

4. எல்ரோயி எல்ரோயி 
என்னை காண்பவரே 
என்னை காண்பவரே 
எல்ரோயி எல்ரோயி 

5. யேகோவா யீரே 
எல்லாம் பார்த்துக் கொள்வீர் 
எல்லாம் பார்த்துக் கொள்வீர் 
யேகோவா யீரே 

6. அதிசய தெய்வமே 
ஆலோசனை கர்த்தரே 
ஆலோசனை கர்த்தரே 
அதிசய தெய்வமே 

7. யேகோவா ஷம்மா 
எங்களோடு இருப்பவரே 
எங்களோடு இருப்பவரே 
யேகோவா ஷம்மா 

8. யேகோவா ஷாலோம் 
சாமாதானம் தருகிறீர் 
சாமாதானம் தருகிறீர் 
யேகோவா ஷாலோம் 

9. யேகோவா நிசியே 
எந்நாளும் வெற்றி தருவீர் 
எந்நாளும் வெற்றி தருவீர் 
யேகோவா நிசியே 

10. யேகோவா ரஃப்பா 
சுகம் தரும் தெய்வம் 
சுகம் தரும் தெய்வம் 
யேகோவா ரஃப்பா