Enna Thyagam En Kalvari Nayagaa என்னத் தியாகம் என் கல்வாரி நாயகா

 

என்னத் தியாகம் என் கல்வாரி நாயகா

 என்னையும் உம்மைப்போல் மாற்றிடவோ

 

1. விண் தூதர் போற்றிடும் உம்

   பிதாவையும் விட்டிறங்கி வந்தீரே

  மாட்டுக் கொட்டிலை வாஞ்சித்தீரையா

  மானிடர் மேல் அன்பினால் - என்ன

 

2. ஜெனித்த நாள் முதலாய்

  கல்வாரியில் ஜீவனை ஈயும் வரை

  பாடுகள் யாவையும் பட்டீரையா

 பாவியை மீட்பதற்காய் - என்ன

 

3. தலையை சாய்த்திடவோ

   உமக்கு ஓர் ஸ்தலம் எங்குமில்லையே

   உம் அடிச்சுவட்டில் நான் செல்லவோ

  முன் பாதை காட்டினீரே - என்ன

 

4. பாடுகளெல்லாம் உம்மை

   மகிமையில் பூரணமாய் சேர்த்ததே

  உம்மோடு நானும் பாடு சகிக்க

  என்ன தடையுமுண்டோ - என்ன

 

5. பொய் இன்பம் எனக்கினியேன்

என்னருமை இயேசுதான் என் பங்கல்லோ

நேசரின் பின்னே போகத் துணிந்தேன்

நேச வலிமையினால் – என்ன