Kattu Puravin Satham காட்டு புறாவின் சத்தம்

 

காட்டுப் புறாவின் சத்தம் கேட்கிறதே

என் நேசர் என்னைத் தேடி வருவாரென்று

கானக்குயிலின் கானம்  இசைக்கின்றதே

மன்னவர் சிங்காரமாய் வருவாரென்று                    

      

உம் வருகைவரை நான் காத்திருப்பேன்

என் விழி இரண்டால் என்றும் விழித்திருப்பேன்-2

 

1. தாயினும் மேலாய் உந்தன் அன்பு உள்ளதே

தந்தையாக நீர் என்னில் வாழ்கின்றீரே

நீர் எந்தன் நேசர் தானே

நீர் எந்தன் நண்பர்தானே

என்றென்றும் உந்தன் அன்பை

என்னவென்று நான் சொல்லுவேன் -----உம்வருகை

                             

2. கனவெல்லாம் என்றும் உம்மையே காண்கிறேன்

நினைவெல்லாம் என்றும் உம்மையே சுற்றுதே

நீரின்றி நானும் இல்லை

நீர்தானே  எந்தன் எல்லை

என்றென்றும் எந்தன் நாவால்

உம்மையே பாடிடுவேன் -----உம்வருகை

                      

3. பூரண அழகு உள்ளவரும் நீர்தானே

 உமக்கு நிகராய் யாரும்இங்கு இல்லையே

நீர் எந்தன் ஜீவன்தானே

நான் உந்தன் சாயல்தானே

என்றென்றும் எந்தன் மூச்சு

உந்தன் பெயர் சொல்லிடுதே -----உம் வருகைவரை