Yesuvin Marbil Naan Sainthumae இயேசுவின் மார்பில் நான் சாய்ந்துமே

 

1. இயேசுவின் மார்பில் நான் சாய்ந்துமே

இன்றும் என்றும் எந்தன் ஜீவ பாதையில்

பாரிலே பாடுகள் மறந்து நான்

பாடுவேன் என் நேசரை நான் போற்றியே

 

வாழ்த்துவேன் போற்றுவேன்

உம்மை மாத்திரம் நோக்கி என்றும் ஜீவிப்பேன் அல்லேலூயா

 

2. சோதனை யாலென்னுள்ளம் சோர்ந்திடும்

வேதனை யான வேளை வந்திடும்

என் மன பாரம் எல்லாம் மாறிடும்

தம் கிருபை என்றும் என்னை தாங்கிடும்   - வாழ்த்து

 

3. சிநேகிதர் எல்லாம் கைவிட்டிடினும்

நேசராய் இயேசென்னோடிருப்பதால்

மண்ணில் என் வாழ்வை நான் விட்டேகியே

மன்னவனாம் இயேசுவோடு சேருவேன்   - வாழ்த்து

 

4. என்றும் என் வேண்டுதல்கள் கேட்பாரே

என்றும் என் கண்ணீரைத் துடைப்பாரே

ஏழை என் கஷ்டம் யாவும் நீங்கியே

இயேசுவோடு சேர்ந்து நித்தம் வாழுவேன்   - வாழ்த்து

Aathumamae En Mulu Ullamae ஆத்துமமே என் முழு உள்ளமே

 

ஆத்துமமே என் முழு உள்ளமே – உன்
ஆண்டவரைத் தொழு தேத்து -இந்நாள் வரை
அன்பு வைத் தாதரித்த – உன்
ஆண்டவரைத் தொழுதேத்து

1. போற்றிடும் வானோர், பூதலத்துள்ளோர்
சாற்றுதற் கரிய தன்மையுள்ள – ஆத்துமமே

2. தலை முறை தலை முறை தாங்கும் விநோத
உலக முன் தோன்றி ஒழியாத – ஆத்துமமே

3. தினம் தினம் உலகில் நீ செய் பலவான
வினை பொறுத் தருளும், மேலான – ஆத்துமமே

4. வாதை, நோய், துன்பம் மாற்றி, அனந்த
ஓதரும் தயைசெய் துயிர் தந்த – ஆத்துமமே

5. உற்றுனக் கிரங்கி உரிமை பாராட்டும்,
முற்றும் கிருபையினால் முடி சூட்டும் – ஆத்துமமே

6. துதி மிகுந்தேறத் தோத்தரி தினமே,
இதயமே, உள்ளமே, என் மனமே – ஆத்துமமே

Kaarirul Velayil காரிருள் வேளையில்

 

காரிருள் வேளையில் கடுங்குளிர் நேரத்தில்
ஏழைக் கோலமதாய்
பாரினில் வந்த மன்னவனே உம்
மாதயவே தயவு

1. விண்ணுலகில் சிம்மாசனத்தில்
தூதர்கள் பாடிடவே
வீற்றிருக்காமல் மானிடனானது
மாதயவே தயவு – காரிருள்

2. விண்ணில் தேவனுக்கே மகிமை
மண்ணில் சமாதானம்
மானுடரில் பிரியம் மலர்ந்தது உந்தன்
மாதயவே தயவு – காரிருள்

3. விந்தை விதந்தனில் வந்தவனே,
வானவனே, நாங்கள்
தந்தையின் அன்பைக் கண்டதும் உந்தன்
மாதயவே தயவு – காரிருள்

 

Immattum Kirubai Thantha Deva இம்மட்டும் கிருபை தந்த தேவா

 

இம்மட்டும் கிருபை தந்த தேவா
இனிமேலும் கிருபை தாரும் மூவா
இன்றும் என்றும் உம்மில் நான் நிற்கவே
இயேசு நீர் என்னில் உருவாகவே
உம்மைக் காணவே

1. சோதிக்கப்பட்ட தூய தேவா
சோதனையில் பெலன் தாரும் மூவா
துன்பங்கள் தொல்லை சூழ்கையிலே
இன்ப ஒளியை எனில் வீசியே – இருள் நீக்குமே

2. பக்தியில்லை நான் ஆராதிக்க
யுக்தியில்லை உம்மைத் துதிக்க
சத்திய ஆவியின் வல்லமையால்
சக்தியைத் தாரும் உத்தமராய் – உமைத் துதிக்க

3. நன்றியால் உள்ளம் பூரிக்குதே
என்றுமே உம்மில் நான் நிற்கவே
அன்றும் உதிரம் சிந்தினதால்
இன்றும் உம் அன்பு பெரு வெள்ளமாய் - புரண்டோடுதே

4. சத்துருவான சாத்தான் என்னையே
நித்தம் நெருங்கி ஏய்க்கையிலே
கர்த்தனே ஜெயம் பெற்றிடவே
சத்திய ஆவி வல்லமையை – என்னில் ஊற்றும்

5. ஜெபத்தில் ஆவி என் அகத்தில் ஊற்றும்
ஜெபத்தினால் உலகை நான் ஜெயிக்க
உன்னதா உலகை நீர் ஜெயித்தீர்
உம் நாமத்தினால் நான் ஜெயிப்பேன் – அல்லேலூயா

Paaduvaen Paravasamaguvaen பாடுவேன் பரவசமாகுவேன்

 

பாடுவேன் பரவசமாகுவேன்

பறந்தோடும் இன்னலே

1.அலையலையாய் துன்பம் சூழ்ந்து

நிலை கலங்கி ஆழ்த்தையில்

அலைகடல் தடுத்து நடுவழி விடுத்து

கடத்தியே சென்ற கர்த்தனை --- பாடுவேன்

2.என்று மாறும் எந்தன் துயரம்

என்றே மனமும் ஏங்கையில்

மாராவின் கசப்பை மதுரமுமாக்கி

மகிழ்வித்த மகிபனையே  --- பாடுவேன்

3. ஒன்றுமில்லா வெறுமை நிலையில்

உதவுவாரற்றுப் போகையில்

கன்மலை பிளந்து தண்ணீரை சுரந்து

தாகம்  தீர்த்த தயவை  --- பாடுவேன்

4.வனாந்திரமாய் வாழ்க்கை மாறி

பட்டினி சஞ்சலம் நேர்கையில்

வான மன்னாவால் ஞானமாய் போஷித்த

காணாத மன்னா இயேசுவை --- பாடுவேன்

5. எண்ணிறந்த எதிர்ப்பினூடே

ஏளனமும் சேர்ந்து தாக்கையில்

துன்ப பெருக்கிலும் இன்முகம் காட்டி

ஜெயகீதம் ஈந்தவரை --- பாடுவேன்

Umakkaga Thanae Iyya உமக்காகத்தானே ஐயா

 

உமக்காகத் தானே -ஐயா நான்
உயிர் வாழ்கிறேன் – ஐயா
இந்த உடலும் உள்ளமெல்லாம் அன்பர்
உமக்காகத்தானே ஐயா

1. கோதுமை மணிபோல் மடிந்திடுவேன்
உமக்காய் தினமும் பலன் கொடுப்பேன்
அவமானம் நிந்தை சிலுவைதனை
அனுதினம் உமக்காய் சுமக்கின்றேன்

2. எனது ஜீவனை மதிக்கவில்லை
ஒரு பொருட்டாய் நான் கணிக்கவில்லை
எல்லாருக்கும் நான் எல்லாமானேன்
அனைவருக்கும் நான் அடிமையானேன்

3. எத்தனை இடர்கள் வந்தாலும்
எதுவும் என்னை அசைப்பதில்லை
மகிழ்வுடன் தொடர்ந்து ஓடுகிறேன்
மனநிறைவோடு பணி செய்வேன்

4. எனது பேச்செல்லாம் உமக்காக
எனது செயலெல்லாம் உமக்காக
எழுந்தாலும் நடந்தாலும் உமக்காக
அமர்ந்தாலும் படுத்தாலும் உமக்காக

5. பண்படுத்தும் உம் சித்தம்போல
பயன்படுத்தும் உம் விருப்பம்போல
உம்கரத்தில் நான் புல்லாங்குழல்
ஒவ்வொரு நாளும் இசைத்திடுமே

Vetri Venthan Yesu வெற்றி வேந்தன் இயேசு

 

வெற்றி வேந்தன் இயேசு வருகின்றார் 

நாம் வாழ்த்தி வரவேற்கிறோம்

விண் தூதசேனை பரன் இயேசு பக்தர்கள்

வானில் ஓன்று சேரும் நாளிதோ

 

1. ஏழை எளிய அவதாரம் எடுத்து

ஏசு நம் இதயத்தைக் கவர்ந்தாரல்லோ

மனத் தூய்மை விரும்பிடும் மனிதரையே

தனக்காக தெரிந்தேசு அழைத்தாரல்லோ --- வெற்றி

 

2. எக்காலமும் நான் மறவேன் தேவன்பை

என்னதான் இதற்கீடு நான் செய்வேனோ

உள்ளம் நன்றி நிறைந்தே நான் துதி பாடியே

உயிருள்ள கிறிஸ்தே நான் உம்மை சேவிப்பேன் --- வெற்றி

 

3. வந்தாரே புவியில் மரித்தாரே பலியாய்

வேதம் நிறைவேற உயிர்த்தாரல்லோ

இனி காலம் செல்லாது எதிநோக்குவோம்

இவர் மேசியா மீண்டும் வருகின்றாரே --- வெற்றி

 

4. சாலேமின் ராஜா சாரோனின் ரோஜா

சாந்த சொரூபி சர்வ வல்லவர்

செங்கோலும் யூதாவில் துளிர்க்கின்றதே

சமாதான பிரபுவே நீர் வாரும் தேவா   --- வெற்றி

 

5. எந்தை என் இயேசு வருவார் என்றெண்ண

சிந்தை மனம் யாவும் களிகூருதே

விந்தையாய் அவர் சாயல் அடைந்தேகுவேன்

பந்தய பொருள் நாடி பறந்தே செல்வேன் --- வெற்றி