காரிருள் வேளையில் கடுங்குளிர் நேரத்தில்
ஏழைக் கோலமதாய்
பாரினில் வந்த மன்னவனே உம்
மாதயவே தயவு
1. விண்ணுலகில் சிம்மாசனத்தில்
தூதர்கள் பாடிடவே
வீற்றிருக்காமல் மானிடனானது
மாதயவே தயவு – காரிருள்
2. விண்ணில் தேவனுக்கே மகிமை
மண்ணில் சமாதானம்
மானுடரில் பிரியம் மலர்ந்தது உந்தன்
மாதயவே தயவு – காரிருள்
3. விந்தை விதந்தனில் வந்தவனே,
வானவனே, நாங்கள்
தந்தையின் அன்பைக் கண்டதும் உந்தன்
மாதயவே தயவு – காரிருள்
இம்மட்டும் கிருபை தந்த தேவா
இனிமேலும் கிருபை தாரும் மூவா
இன்றும் என்றும் உம்மில் நான் நிற்கவே
இயேசு நீர் என்னில் உருவாகவே
உம்மைக் காணவே
1. சோதிக்கப்பட்ட தூய தேவா
சோதனையில் பெலன் தாரும் மூவா
துன்பங்கள் தொல்லை சூழ்கையிலே
இன்ப ஒளியை எனில் வீசியே – இருள் நீக்குமே
2. பக்தியில்லை நான் ஆராதிக்க
யுக்தியில்லை உம்மைத் துதிக்க
சத்திய ஆவியின் வல்லமையால்
சக்தியைத் தாரும் உத்தமராய் – உமைத் துதிக்க
3. நன்றியால் உள்ளம் பூரிக்குதே
என்றுமே உம்மில் நான் நிற்கவே
அன்றும் உதிரம் சிந்தினதால்
இன்றும் உம் அன்பு பெரு வெள்ளமாய் - புரண்டோடுதே
4. சத்துருவான சாத்தான் என்னையே
நித்தம் நெருங்கி ஏய்க்கையிலே
கர்த்தனே ஜெயம் பெற்றிடவே
சத்திய ஆவி வல்லமையை – என்னில் ஊற்றும்
5. ஜெபத்தில் ஆவி என் அகத்தில் ஊற்றும்
ஜெபத்தினால் உலகை நான் ஜெயிக்க
உன்னதா உலகை நீர் ஜெயித்தீர்
உம் நாமத்தினால் நான் ஜெயிப்பேன் – அல்லேலூயா
பாடுவேன் பரவசமாகுவேன்
பறந்தோடும் இன்னலே
1.அலையலையாய் துன்பம் சூழ்ந்து
நிலை கலங்கி ஆழ்த்தையில்
அலைகடல் தடுத்து நடுவழி விடுத்து
கடத்தியே சென்ற கர்த்தனை --- பாடுவேன்
2.என்று மாறும் எந்தன் துயரம்
என்றே மனமும் ஏங்கையில்
மாராவின் கசப்பை மதுரமுமாக்கி
மகிழ்வித்த மகிபனையே --- பாடுவேன்
3. ஒன்றுமில்லா வெறுமை நிலையில்
உதவுவாரற்றுப் போகையில்
கன்மலை பிளந்து தண்ணீரை சுரந்து
தாகம் தீர்த்த தயவை --- பாடுவேன்
4.வனாந்திரமாய் வாழ்க்கை மாறி
பட்டினி சஞ்சலம் நேர்கையில்
வான மன்னாவால் ஞானமாய் போஷித்த
காணாத மன்னா இயேசுவை --- பாடுவேன்
5. எண்ணிறந்த எதிர்ப்பினூடே
ஏளனமும் சேர்ந்து தாக்கையில்
துன்ப பெருக்கிலும் இன்முகம் காட்டி
ஜெயகீதம் ஈந்தவரை --- பாடுவேன்
உமக்காகத் தானே -ஐயா நான்
உயிர் வாழ்கிறேன் – ஐயா
இந்த உடலும் உள்ளமெல்லாம் அன்பர்
உமக்காகத்தானே ஐயா
1. கோதுமை மணிபோல் மடிந்திடுவேன்
உமக்காய் தினமும் பலன் கொடுப்பேன்
அவமானம் நிந்தை சிலுவைதனை
அனுதினம் உமக்காய் சுமக்கின்றேன்
2. எனது ஜீவனை மதிக்கவில்லை
ஒரு பொருட்டாய் நான் கணிக்கவில்லை
எல்லாருக்கும் நான் எல்லாமானேன்
அனைவருக்கும் நான் அடிமையானேன்
3. எத்தனை இடர்கள் வந்தாலும்
எதுவும் என்னை அசைப்பதில்லை
மகிழ்வுடன் தொடர்ந்து ஓடுகிறேன்
மனநிறைவோடு பணி செய்வேன்
4. எனது பேச்செல்லாம் உமக்காக
எனது செயலெல்லாம் உமக்காக
எழுந்தாலும் நடந்தாலும் உமக்காக
அமர்ந்தாலும் படுத்தாலும் உமக்காக
5. பண்படுத்தும் உம் சித்தம்போல
பயன்படுத்தும் உம் விருப்பம்போல
உம்கரத்தில் நான் புல்லாங்குழல்
ஒவ்வொரு நாளும் இசைத்திடுமே
வெற்றி வேந்தன் இயேசு வருகின்றார்
நாம் வாழ்த்தி வரவேற்கிறோம்
விண் தூதசேனை பரன் இயேசு பக்தர்கள்
வானில் ஓன்று சேரும் நாளிதோ
1. ஏழை எளிய அவதாரம் எடுத்து
ஏசு நம் இதயத்தைக் கவர்ந்தாரல்லோ
மனத் தூய்மை விரும்பிடும் மனிதரையே
தனக்காக தெரிந்தேசு அழைத்தாரல்லோ --- வெற்றி
2. எக்காலமும் நான் மறவேன் தேவன்பை
என்னதான் இதற்கீடு நான் செய்வேனோ
உள்ளம் நன்றி நிறைந்தே நான் துதி பாடியே
உயிருள்ள கிறிஸ்தே நான் உம்மை சேவிப்பேன் --- வெற்றி
3. வந்தாரே புவியில் மரித்தாரே பலியாய்
வேதம் நிறைவேற உயிர்த்தாரல்லோ
இனி காலம் செல்லாது எதிநோக்குவோம்
இவர் மேசியா மீண்டும் வருகின்றாரே --- வெற்றி
4. சாலேமின் ராஜா சாரோனின் ரோஜா
சாந்த சொரூபி சர்வ வல்லவர்
செங்கோலும் யூதாவில் துளிர்க்கின்றதே
சமாதான பிரபுவே நீர் வாரும் தேவா --- வெற்றி
5. எந்தை என் இயேசு வருவார் என்றெண்ண
சிந்தை மனம் யாவும் களிகூருதே
விந்தையாய் அவர் சாயல் அடைந்தேகுவேன்
பந்தய
பொருள் நாடி பறந்தே செல்வேன் --- வெற்றி
இனியும் உம்மோடு கிட்டி சேர
ஆவியின் மாரியை ஊற்றும்
ஆதி அன்பின் ஆழங்களில் என்னை
ஆற்றி கிருபை அளித்திடுமே
1. பெலவீனன் என் அருகில்
பெலம் தாரும் வந்தெனக்காய்
உம்மைப் போல் நான் கனி தரவே
உமதாவியால் நிறைத்திடுமே
2. நல்ல திராட்சை செடி நீரல்லோ
நானும் இணைந்து வாழ்ந்திடவே
எல்லா நாளும் கனி தந்திட
இயேசுவே சுத்தமாக்கிடுமே
லேவியரே ஆசாரியரே
ஆனந்தமாய் நாம் கூடி வந்தோமே
இயேசுவின் பாதத்தில் பரவசமாய்
பாரத
மீட்புக்காய் கிருபை பெறுவோம் - லேவியரே
1. எட்டுத் திசைக்கும் இயேசு புகழ் பரவ
நித்திய சுவிசேஷம் ஏந்திச் செல்லுவோம்
சாத்தானின் கட்டுகளை அறுத்திடுவோம்
சத்திய சபை கட்டி எழுப்பிடுவோம் - லேவியரே
2. விசுவாச வீரர்களாய் எழும்பிடுவோம்
வெளிப்பாடு வரங்களை உபயோகிப்போம்
பாதாளக் கட்டுகளை அறுத்திடுவோம்
பரலோக
பலன்களை சேர்த்துக்குவிப்போம் - லேவியரே
3. நம்பிக்கை நங்கூரமாய் நடந்திடுவோம்
தாழ்மையின் ரூபங்களால் வளர்ந்திடுவோம்
பாவத்தின் கட்டுகளை அறுத்திடுவோம்
காரிய
சமர்த்தர்களாய் நின்றிடுவோம் - லேவியரே
4. ஜெபத்தின்
ஜெயங்களாய் முன் செல்லுவோம்
தியான ஊற்றுகளில்
தூது பெறுவோம்
மாமிசத்தின்
கட்டுகளை அறுத்திடுவோம்
கண்ணீரின்
பள்ளத்தாக்கில் கர்த்தரைக் காண்போம் - லேவியரே
5. பேச்சின்
தூதர்களாய் பறந்திடுவோம்
நடக்கையின்
நகல்களாய் விரைந்திடுவோம்
சமுதாயக்
கட்டுகளை அறுத்திடுவோம்
நன்மையின்
வாசல்களாய் விழித்திடுவோம் - லேவியரே
6. இயேசுவின்
காயங்களின் கனிகளே நாம்
களிகூர்ந்து
மகிழ்ந்து ஆடிப்பாடுவோம்
அப்போஸ்தல
ஊழியத்தில் ஆர்ப்பரிப்போம்
ஆசீர்வாத மழைக்கு மேகங்களாவோம் - லேவியரே
