Yesu Nesikkirar இயேசு நேசிக்கிறார்

 

இயேசு நேசிக்கிறார் – இயேசு நேசிக்கிறார்
இயேசு என்னையும் நேசிக்க யான் செய்த
தென்ன மாதவமோ

1. நீசனாமெனைத்தான் இயேசு நேசிக்கிறார்
மாசில்லாத பரன் சுதன்றன் முழு
மனதால் நேசிக்கிறார் — இயேசு

2. பரம தந்தை தந்த பரிசுத்த வேதம்
நரராமீனரை நேசிக்கிறாரென
நவில லாச்சரியம் — இயேசு

3. நாதனை மறந்து நாட்கழித் துலைந்தும்
நீதன் இயேசெனை நேசிக்கிறாரெனல்
நித்த மாச்சரியம் — இயேசு

4. ஆசை இயேசுவென்னை அன்பாய் நேசிக்கிறார்
அதை நினைந்தவ ரன்பின் கரத்துளே
ஆவலாய்ப்  பறப்பேன்  — இயேசு

5. இராஜன் யேசுவின் மேல் இன்ப கீதஞ் சொலில்
ஈசன் யேசெனைத் தானே  சித்தாரென்ற
இணையில் கீதஞ் சொல்வேன் — இயேசு

Jeeva Kiristhu uyirthelunthar ஜீவகிறிஸ்து உயிர்த்தெழுந்தார்

  Jeeva Kiristhu uyirthelunthar 1. ஜீவ கிறிஸ்து உயிர்த்தெழுந்தார் தேவ குமாரன் மரித்தெழுந்தார் பாவங்கள் போக்க பாவியை மீட்க பலியான இயேசு உயிர்த்தெழுந்தார் அல்லேலூயா அல்லேலூயா அல்லேலூயா கிறிஸ்து உயிர்த்தார் அல்லேலூயா கல்லறைக் காட்சி அற்புத சாட்சியே ஆண்டவர் இயேசு உயிர்த்தெழுந்தார் (2) 2. பாதாளம் யாவும் மேற்கொண்டவர் வேதாள கூட்டம் நடுங்கிடவே அன்றதிகாலை மா இருள் வேளை மன்னாதி மன்னன் உயிர்த்தெழுந்தார் 3. நாம் தொழும் தேவன் உயிருள்ளவர் நம் கிறிஸ்தேசு பரிசுத்தரே சாவை ஜெயித்து சாட்சி அளித்து சொன்னபடியே உயிர்த்தெழுந்தார் 4 பூரிப்புடன் நாம் பாடிடுவோம் பூலோக மெங்கும் சாற்றிடுவோம் என் மன ஜோதி தம் அருள் ஆவி என் உள்ளம் ஊற்ற உயிர்த்தெழுந்தார் 5. நல் விசுவாசம் தந்திடுவார் நம்பிடுவோரை எழுப்பிடுவார் எக்காள சத்தம் கேட்டிட நாமும் ஏகுவோம் மேலே ஜெயித்தெழுந்தே

Vaarungal Iniya Irai Makkale வாருங்கள் இனிய இறை மக்களே

 

வாருங்கள் இனிய இறை மக்களே

இறைவனை வழிபட இறை இல்லத்தில்

இணைந்தே பணிவோம் நிறை மனதாய்

பரிசுத்த அலங்காரத்துடனே நாம்

 

1. கறையில்லா நெஞ்சம் இறை இல்லம்

இணையில்லா பலியும் இதுவன்றோ

பழுதற்ற பலியாய் நம்மையே

படைத்தே பணிவோம் இணைந்தின்றே

 

2. களங்கம் இல்லா ஞானப்பாலே

கறை கறை இன்றி வளர வழி

பருகுவோம் வளருவோம் ஒரேசத்தில்

சுமப்போம் சுமக்கும் அது நம்மை

 

 3. ஒளியென்ற இறைவன் வழி நின்று

ஒளிருவோம் முறையாய் இது நன்று

இருளில்லை இங்கு என்றாக

திருமறை தெய்வமாய் ஒளிர்ந்திடுவோம்

 

4. படைப்போம் படைப்பின் கோனிக்கென்று

படைப்பின் மேன்மையை பாங்குடனே

பலர்காய் கனிகள் தானியத்தை

மகிழ்வுடன் படைப்போம் மங்களமாய்

 

5. சிலுவையை சுமப்போம் திருச்சபையே

இருப்போம் சிலுவையின் நிழல்தனிலே

இனியில்லை தீங்கு என்றாக

இடமில்லா ஆசிக்கு சொந்தமாக

Theivathin sannithaanam தெய்வத்தின் சந்நிதானம்

 Deivathin Sanithaanam தெய்வத்தின் சந்நிதானம் என் உள்ளத்தின் ஆனந்தமே காருண்யமாம் அவர் சப்தம் என் காதுகளுக்கின்பமே 1. தளர்ந்த மனம் புதிதாக்கும் நல்லன்பு தகர்ந்த ஆன்மாவிற்கு சாந்தி தரும் அவர் தரும் வாக்குத்தத்தங்கள் உன்னை அனுதினம் வழி நடத்தும் 2. உலகத்தின் உன்நிலை நிர்ப்பந்தமே நோக்கிடு கல்வாரி நாயகனை இயேசுவின் பாதத்தில் வந்திடுவாய் ஆறுதல் கண்டடைவாய்

Thanthaen Ennai Yesuvae தந்தேன் என்னை இயேசுவே

 Thanthaen Ennai Yesuvae தந்தேன் என்னை இயேசுவே இந்த நேரமே உமக்கே உந்தனுக்கே ஊழியஞ் செய்யத் தந்தேன் என்னைத் தாங்கியருளும் — தந்தேன் 1. ஜீவ காலம் முழுதும் தேவ பணி செய்திடுவேன் பூவில் கடும் போர் புரிகையில் காவும் உந்தன் கரத்தினில் வைத்து — தந்தேன் 2. உலகோர் என்னை நெருக்கிப் பலமாய் யுத்தம் செய்திடினும் நலமாய் சர்வ ஆயுதம் பூண்டு நானிலத்தினில் நாதா வெல்லுவேன் — தந்தேன் 3. உந்தன் சித்தம் நான் செய்வேன் எந்தன் சித்தம் ஒழித்திடுவேன் எந்த இடம் எனக்குக் காட்டினும் இயேசுவே அங்கே இதோ போகிறேன் — தந்தேன் 4. கஷ்டம் நஷ்டம் வந்தாலும் துஷ்டர் கூடிச் சூழ்ந்திட்டாலும் அஷ்டதிக்கும் ஆளும் தேவனே அடியேன் உம்மில் அமரச் செய்யும் — தந்தேன் 5. ஒன்றுமில்லை நான் ஐயா உம்மாலன்றி ஒன்றும் செய்யேன் அன்று சீஷர்க்களித்த ஆவியால் இன்றே அடியேனை நிரப்பும் — தந்தேன்

Vanthiduveer Deva Vallamaiyaai வந்திடுவீர் தேவா வல்லமையாய்

 

Vanthiduveer Deva Vallamaiyaai

1. வந்திடுவீர் தேவா வல்லமையாய்

தந்திடும் எழுப்புதல் ஆவியினால்

சிந்தையில் மெல்கிசேதேக் முறைமை(2)

சந்ததம் நிலைத்திட அருள் புரிவீர் (2)

 

ஊற்றிடுவீர் தேவ அன்பினையே

சுத்தர் உள்ளம் உயிர்த்திடவே

எம்மை மாற்றிடும் அபிஷேகத்தால் (2)

 

2. ஜீவனின் முடிவில்லாதவரே

தேவ குமாரனைப் போன்றவரே

சோதனையில் அழியாதெம்மையே (2)

சோர்ந்திடாதே நிலைக்க வருவீர் (2) – ஊற்றிடுவீர்

 

3.தந்தையும் தாயும் சகோதரரும்

சந்ததி எதுமில்லாதவர் நீர்

எந்தையே உம்மைப்போல் மாற்றிடவே (2)

ஈந்திடும் மெல்கிசேதேக் இகத்தில் (2) – ஊற்றிடுவீர்

 

4.தேவ குமாரனும் பாடுகளால்

ஜீவனை ஊற்றி கீழ்படிந்ததினால்

தாரணியில் அவர் போல் நிலைக்க (2)

தந்திடும் மெல்கிசேதேக் முறைமை (2) – ஊற்றிடுவீர்

 

5.நித்திய மான ஆசாரியரே

சத்திய வெளிப்படுத்துதல் நிறைவாய்

பெற்று நாம் நித்திய ஆசாரியராய் (2)

கர்த்தனாம் இயேசுவுடன் நிலைக்க (2) – ஊற்றிடுவீர்

Thivya Anbin Sathathai திவ்ய அன்பின் சத்தத்தை

Thivya Anbin Sathathai 

1.திவ்ய அன்பின் சத்தத்தை இரட்சகா

கேட்டு உம்மை அண்டினேன்

இன்னும் கிட்டிச் சேர என் ஆண்டவா

ஆவல் கொண்டிதோ வந்தேன்

இன்னும் கிட்ட கிட்ட சேர்த்துக் கொள்ளுமேன்

பாடுபட்ட நாயகா

இன்னும் கிட்ட கிட்ட சேர்த்துக் கொள்ளுமேன்

ஜீவன் தந்த இரட்சகா

2. என்னை முற்றுமே இந்த நேரத்தில்

சொந்தமாக்கிக் கொள்ளுமேன்

உம்மை வாஞ்சையோடெந்தன் உள்ளத்தில்

நாடித் தேடச் செய்யுமேன் – இன்னும்

3. திருப்பாதத்தில் தங்கும் போதெல்லாம்

பேரானந்தம் காண்கிறேன்

உம்மை நோக்கி வேண்டுதல் செய்கையில்

மெய் சந்தோஷமாகிறேன் – இன்னும்

4. இன்னும் கண்டிராத பேரின்பத்தை

விண்ணில் பெற்று வாழுவேன்

திவ்ய அன்பின் ஆழமும் நீளமும்

அங்கே கண்டானந்திப்பேன் – இன்னும்

Em Uyarntha Vaasasthalamathuve எம் உயர்ந்த வாசஸ்தலமதுவே

 Em Uyarntha Vaasasthalamathuve எம் உயர்ந்த வாசஸ்தலமதுவே எம் பூரண சீயோனே கன்மலையின் மேலே கழுகுபோல் உன்னதத்தில் வாழ்வோம் – இயேசு பக்தர்களே ஜெயம் பெற்றே பிதா முகம் காண்போம் 1. ஞானக் கன்மலையே கிறிஸ்தேசு எம் அரணே வான சீயோனிலே அவர் ஆவியால் பிறந்தோம் ஏழு தூண்களுடன் திட அஸ்திபாரமுடன் ஏசுவின் மேல் நின்று வீடாய் நாமிலங்கிடுவோம் 2. அன்பின் பூரணமே அதிலே பயமில்லையே அன்பர் இயேசுவிடம் அதை நாடி பெற்றிடவே ஆவியால் நிறைந்தே அவர் அன்பிலே நடந்தே ஆ பேரின்ப ஆத்துமாவில் ஆனந்தங் கொள்வோம் 3. மா சமாதானமே விசுவாச நம்பிக்கையே மா பரிசுத்தமே மரணத்தின் பாடுகளே தேவ சாயலுமே நம்மில் பூரணம் அடைய தூய வாழ்வை நாடி நாம் முன்னேறியே செல்வோம் 4. ஓட்டமே ஜெயமாய் நாமும் ஓடியே முடிக்க ஒவ்வொரு தினமும் புதிய பெலனடைவோம் பாவ சாபங்களும் புவி ஆசையும் ஜெயித்தோர் பாழுலகை வேகம் தாண்டி அக்கறை சேர்வோம் 5. வாலையும் சுழற்றி வலுசர்ப்பம் தோன்றிடுதே வீர ஆண்பிள்ளையை விழுங்க வகைதேடுதே வான அக்கினியால் அதைத்தீக் கொளுத்திடுவோம் வல்லமை மிகுந்த கர்த்தர் இயேசு நாமத்திலே 6. வானங்கள் வழியே இறங்கி பரன் வருவார் வாஞ்சையாய் சபையாய் அன்று யேசுவை சந்திப்போம் மீட்பின் நாள் நெருங்க தலைகள் உயர்த்திடுவோம் மத்திய வானவிருந்தில் பங்கடைந்திடுவோம்

Vaanamum Boomiyum Maaridinum வானமும் பூமியும் மாறிடினும்

Vanamum Boomiyum Maridinum

1. வானமும் பூமியும் மாறிடினும்

வாக்குமாறாத நல் தேவனவர்

காத்திடுவார் தம்  கிருபையீந்தென்றும்

கர்த்தனேசு உந்தன் மீட்பராமே

கல்வாரி ரத்தம் பாய்ந்திடுதே

கன்மலை கிறிஸ்துவின் ஊற்றதுவே

பாவங்கள் நீக்க சாபங்கள் போக்க

தாகங்கள் தீர்த்திட அழைக்கின்றாரே

2. கல்வாரி மலைமேல் தொங்குகின்றார்

காயங்கள் கண்டிட வந்திடாயோ

ரோகங்கள் மாற்றிடும் ஔஷதமே

தாயினும் மேலவர் தயையிதே — கல்வாரி

3. கிருபையின் காலம் முடிந்திடுமுன் 

நொறுங்குண்ட மனதாய் வந்திடுவாய்

பூரணனாய் உன்னை மாற்றிடவே

புதுமையாம் ஜீவனால் நிறைத்திடுவார் — கல்வாரி

4. கிறிஸ்துவின் மரணசாயலிலே 

இணைந்திட இன்றே வந்திடுவாய்

நித்திய அபிஷேகமும் தந்து

நீதியின் பாதை நடத்திடுவார் — கல்வாரி

5. வருகையின் நாள் நெருங்கிடுதே 

வாஞ்சையுடன் இன்றே வந்திடாயோ

வானவரின் பாதம் தாழ்ந்திடுவாய்

பாரங்கள் யாவையும் ஏற்றிடுவார் — கல்வாரி

Maa Thayave Deva Thayave மா தயவே தேவ தயவே

 Maa Thayave Deva Thayave மா தயவே தேவ தயவே மானிலத்தில் தேவை எனக்கே 1. வாக்களித்த வானபரன் வாக்கு மாறார் நம்பிடுவேன் நம்பினோரைக் கைவிடாரே நற்பாதமே சரணடைந்தேன் — மா 2. ஏசுவின் பொன் நாமத்தினால் ஏதென்கிலும் கேட்டிடினும் தம் சித்தம் போல் தந்திடுவார் தந்தையிவர் எந்தனுக்கே — மா 3. சத்துருக்கள் தூஷித்தாலும் சக்தியீந்தென் பட்சம் தந்திடுவார் ஆதரவே அளித்திடுவார் ஆறுதலாய் வாழ்ந்திடுவேன் — மா 4. என்னில் ஏதும் பெலனில்லையே எந்தனுக்காய் இராப்பகலாய் நீதியுள்ள நேசர் இயேசு நிச்சயமாய் பரிந்துரைப்பார் — மா 5. தாய் வயிற்றில் இருந்த முதல் தமக்காய் என்னை தெரிந்தெடுத்தார் என் அழைப்பும் நிறைவேற எப்படியும் கிரியை செய்வார் — மா 6. தம் வருகை தரணியிலே தாமதமாய் நடந்திடினும் சார்ந்தவரை அனுதினமும் சோர்ந்திடாமல் ஜெபித்திடுவேன் — மா

Jebame En Vaalvin ஜெபமே என் வாழ்வின்

 Jebame En Vaalvin ஜெபமே என் வாழ்வின் செயலாக மாற ஜெப ஆவியால் என்னை நிறைத்திடுமே ஜெபமின்றியே ஜெயமில்லையே ஜெப சிந்தை எனில் தாருமே 1. இரவெல்லாம் ஜெபித்த என் தேவனே உம் இதயத்தின் பாரம் என்னிலும் தாரும் பொறுமையுடன் காத்திருந்தே போராடி ஜெபித்திடவே 2. சோதனையணுகா விழிப்புடன் ஜெபிக்க சோதனையதிலும் சோர்ந்திடா ஜெபிக்க மாமிசத்தின் பெலவீனத்தில் ஆவியின் பெலன் தாருமே 3. எந்த சமயமும் எல்லா மனிதர்க்கும் பரிசுத்தவான்கள் பணிகள் பலனுக்கும் துதி ஸ்தோத்திரம் ஜெபம் வேண்டுதல் உபவாசம் எனில் தாருமே 4. முழங்காலில் நின்றே முழு மனதுடனே விசுவாசம் உறுதியில் உண்மையாய் ஜெபிக்க உம் வருகை நாளதிலே உம்முடன் சேர்ந்திடவே

Oppuvithen Iyane ஒப்புவித்தேன் ஐயனே

  Oppuvithen Iyane ஒப்புவித்தேன் ஐயனே உம்சித்தம் செய்ய தந்தேனே முற்றிலுமாய் அர்ப்பணித்தேன் ஏற்றுக்கொள்ளும் இயேசுவே 1. சுட்டெரிக்கும் அக்கினியால் சுத்திகரித்தெம்மை மாற்றிடுமே ஆவி ஆத்மா சரீரமே ஆத்தும நேசரே படைக்கிறேன் 2. கண்ணீர் கவலை பெருகுதே கர்த்தர் தம் வாக்காலே தேற்றிடுமே உலக சிநேகம் பின்னே வைத்தே உறுதியாய் பின் சென்றிட 3. அத்திமரம் துளிர் விடாமல் ஆஸ்திகள் யாவும் அழிந்திடினும் கர்த்தர் தம் அன்பை விட்டு நீங்கா தூய கிருபை தந்தருளும் 4. எந்தனின் சிந்தை முன்னறிவீர் எந்தனின் பாதை நீரறிவீர் நல்ல பாதை நடந்திட நாதனே என்னையும் அர்ப்பணித்தேன் 5. காடு மலைகள் போன்ற இடம் கண்டு என்றும் அஞ்சிடாமல் அழியும் ஆத்ம தரிசனம் ஆண்டவா என்னிலே ஈந்தருளும் 6. சோதனை எம்மை சூழ்ந்திடினும் சோர்ந்திடா உள்ளம் தந்தருளும் ஜீவகிரீடம் முன்னே வைத்தே ஜீவிய காலம் நடந்திட

Karthaave Nangal கர்த்தாவே நாங்கள்

   Karthaave Nangal

1. கர்த்தாவே நாங்கள் நெஞ்சத்தில்

மெய்ஞ் ஞானமற்ற மாந்தர்

நீர் புத்தியைத் தராவிடில்

எப்போதும் புத்தியீனர்

உம்மால் உண்டான வேதமும்

நீர் ஈயும் தூய ஆவியும்

நற்பாதை காட்டவேண்டும்.

2.  வேதத்துக்காக ஸ்தோத்திரம்

உமக்குண்டாவதாக

தெய்வீக வார்த்தையைத் தினம்

எல்லாரும் பக்தியாக

ஆராய்ந்து பார்த்துச் சிந்தித்து

கைக்கொள்ள நீர் கடாட்சித்து

நல்லாவியை அளியும்.

3.  பிதாவே எங்கும் உமது

நல் வார்த்தை செல்வதாக

ஆ யேசுவே நீர் காட்டிய

வழியில் போவோமாக

தேவாவி எங்கள் உள்ளத்தில்

இறங்கி வேதத்தால் அதில்

நற்சீர் அளிப்பீராக

Yesu En Asthiparam இயேசு என் அஸ்திபாரம்

 

Yesu En Asthiparam இயேசு என் அஸ்திபாரம் ஆசை எனக்கவரே நேச முசிப்பாறுதல் இயேசுவில் கண்டேன்யானும் 1. என்ன மதுரம் அவர் நன்னய நாமச் சுவை என்னகத்தில் நினைத்தால் இன்னல் பறந்திடுமே 2. பஞ்சம் பசியுடனே மிஞ்சும் துயர் வந்தாலும் அஞ்சிடேன் இவையை என் தஞ்சம்யேசு இருக்கையில் 3. பாவத்தால் என்னில் வந்த சாபக்கறைகள் மாற்றி சோபித நீதியுடை ஆபரணமாய் ஈவார்

Deva Sitham Niraivera தேவ சித்தம் நிறைவேற

 Deva Sitham Niraivera

தேவ சித்தம் நிறைவேற

எனையும் ஒப்படைக்கிறேன்

தேவ சத்தம் என்னுள்ளம்

பலமாக தொனிக்குதே

1. முட்களுக்குள் மலர்கின்றதோர்

மக்களைக் கவரும் லீலி புஷ்பம் போல்

என்னையுமே தம் சாயலாய்

என்றென்றும் உருவாக்குவார்

2. பொன்னைப் போல புடமிட்டாலும்

பொன்னாக விளங்குவேனென்றென்றுமே

திராணிக்கு மேல் சோதித்திடார்

தாங்கிட பெலனளிப்பார்

3. அத்திமரம் துளிர் விடாமல்

ஆஸ்திகள் அழிந்து நஷ்டம் வந்தாலும்

கர்த்தருக்குள் சந்தோஷமாய்

நித்தமும் மகிழ்ந்திடுவேன்

4. நீதிமானை அனுதினமும்

சோதிக்க பல்வேறு துன்பம் வந்தும்

கர்த்தர் அன்பை விட்டு நீங்கா

சுத்தனாய் நிலைத்திருப்பேன்

5. முன்னறிந்து அழைத்தவரே

முன்னின்று  நலமுடன் நடத்துவார்

சகலமும் நன்மைக்கென்றே

சாட்சியாய் முடித்திடுவார்

6. சோதனையை சகிப்பவனே

சாந்தமும் பொறுமையுமுள்ளவனே

ஜீவ கிரீடம் பெற்றிடுவான்

ஜோதியாய் பிரகாசிப்பான்

7. கஷ்டமெல்லாம் தொலையும் ஓர் நாள்

கண்ணீரும் கவலையும் நீங்கும் அந்நாள்

இரட்டிப்பான பங்கைப் பெற

இரட்சகர் அழைத்திடுவார்

Irangume En Yesuve இரங்குமே என் இயேசுவே

 Irangume En Yesuve

இரங்குமே என் இயேசுவே

இரக்கத்தின் ஐஸ்வரியமே

கூவி கதறியே ராவும் பகலுமே

கெஞ்சும் ஜெபம் கேளுமே

1.நித்தம் எமக்காய் பரிந்து பேசும்

நள்ளிரவின் நண்பனே – அன்பின்

பிதா முன்னில் இன்று ஜெபித்திடும்

அன்பர் ஜெபங்கேளுமே -- இரங்குமே

2. உற்றார் பெற்றாரும் குடும்பங்களும்

மற்றும் பலர் மாள்வதைக்

கண்டு சகித்திடா தென்றும் ஜெபித்திடும்

கண்ணீர் ஜெபம் கேளுமே -- இரங்குமே

3. அன்று நினிவே அழிவைக் கண்டே

அன்பே இரங்கினீரே – யோனா

உரைத்த தம் ஆலோசனை தந்து

ஏழை ஜெபங்கேளுமே -- இரங்குமே

4. எத்தனை துன்பம் சகித்து மீட்டீர்

எல்லாமே வீணாகுமோ

அத்தி மரத்திற்கு அன்று இரங்கினீர்

அந்த ஜெபங்கேளுமே -- இரங்குமே

5. சோதனையினின்று இரட்சித்தீரே

சோதோமின் பக்தனையே

ஆபிரகாம் அன்று வேண்டி ஜெபித்ததோர்

ஆதி ஜெபங்கேளுமே -- இரங்குமே

6. ஐந்து கண்டத்தின் ஜனத்திற்காக

ஐங்காயங்கள் ஏற்றீரே

தேவன் இல்லை என்று கூறி மடிவோரைத்

தேடும் ஜெபங் கேளுமே -- இரங்குமே

7. பிள்ளைகள் அப்பம் கிடைத்திடாதோ 

பேதைகள் கேட்டிடவே

மேஜை துணிக்கைகள் தாரும் எனக் கெஞ்சும்

மாந்தர் ஜெபங் கேளுமே -- இரங்குமே

8. தாரும் உயிர் மீட்சி சபைதனில்

சோரும் உள்ளம் மீளவே

கர்த்தாவே உம் ஜனம் செத்த நிலை மாற

பக்தர் ஜெபங்கேளுமே -- இரங்குமே

En Devane En Anbane என் தேவனே என் அன்பனே

 

En Devane En Anbane என் தேவனே என் அன்பனே வந்திடுவீர் வல்லமையாய் ஆசீர்வாத நிறைவுடன் அன்பே என்மேல் இறங்கிடும் 1. இரண்டோ மூன்றோ பேர்கள் எங்கே உண்டோ அங்கே நானிருப்பேன் என்றுரைத்த வாக்குப்படி இன்று எம்மை சந்தித்திடும் - என் 2. கல்வாரியில் ஜீவன் தந்த எங்கள் தேவா யேசு நாதா எங்களுள்ளம் உந்தனன்பால் நிறைந்தும்மைத் துதித்திட - என் 3. அந்தோ ஜனம் பாவங்களால் நொந்து மனம் வாடுதையோ இன்ப முகம் கண்டால் போதும் இருள் நீங்கி ஒளி காண்பாய் - என் 4. ஆதரவாய் அன்றும் கரம் நீட்டி சுகம் ஈந்த தேவா ஆவலுடன் வந்தோர் பிணி யாவும் தீரும் அருள் நாதா - என் 5. ஆதி அன்பால் தேவ ஜனம் தாவி மனம் மகிழ்ந்திட ஆவி ஆத்மா சரீரமும் பரிசுத்தம் அடைந்திட - என் 6. ஆவலுடன் உம் வரவை எதிர் நோக்கிக் காத்திருக்க ஆவிவரம் யாவும் பெற்று நிறைவுடன் இலங்கிட - என்

Puthiya Kirubai Alithidumae புதிய கிருபை அளித்திடுமே

 Puthiya Kirubai Alithidumae புதிய கிருபை அளித்திடுமே அனுதின ஜீவியத்தில் கிருபை மேல் கிருபை அருளிச்செய்து கிருபையில் பூரணமாகச் செய்யும் 1. ஆத்துமமே என் முழு உள்ளமே ஆண்டவரை நீ ஸ்தோத்தரிப்பாய் தினம் அதிகாலையில் புது கிருபை அளித்து நீர் வழி நடத்தும் - புதிய 2. கர்த்தரின் மகிமையை வெளிப்படுத்த கிருபையின் பாத்திரமாக்கிடுமே கிருபையினால் உள்ளம் ஸ்திரப்படவே கிருபைகள் ஈந்திடுமே - புதிய 3. சோதனை வியாதி நேரங்களில் தாங்கிட உமது கிருபை தாரும் கிருபையில் என்றும் பெலனடைந்து கிறிஸ்துவில் வளரச் செய்யும் - புதிய 4. சோர்ந்திடாமல் நல் சேவை செய்ய கிருபையின் ஆவியை ஊற்றிடுமே நல்ல போராட்டத்தைப் போராட கிருபைகள் அளித்திடுமே - புதிய 5. பக்தியோடு நம் தேவனையே பயத்துடனே நிதம் தொழுதிடுவோம் அசைவில்லா ராஜ்ஜியம் அடைந்திடவே கிருபையைக் காத்துக் கொள்வோம் - புதிய

Thooya Aaviyaanavar Irangum தூய ஆவியானவர் இறங்கும்

 Thooya Aaviyaanavar Irangum 1. தூய ஆவியானவர் இறங்கும் துரிதமாக வந்திறங்கும் தடை யாவையும் தயவாய் நீக்கி இறங்கும் பரிசுத்த பிதாவே இறங்கும் இயேசுவின் மூலம் இறங்கும் தடை யாவையும் தயவாய் நீக்கி இறங்கும் 2. பல பல வருடங்கள் கழிந்தும் பாரினில் இன்னும் இருளும் அகலவில்லை எனவே நீரே இறங்கும் -- பரிசுத்த 3. ஜெபிப்பவர் பலரையும் எழுப்பும் கிறிஸ்தவ சமூகத்தைத் திருத்தும் தயாபரனே தயவாய் வேகம் இறங்கும் -- பரிசுத்த 4. ஐந்து கண்டம் வாழும் மனிதர் ஐந்து காயம் காண இறங்கும் பாடுபட்ட நாதரே நீரே இறங்கும் -- பரிசுத்த

Uthamamaai Mun sella உத்தமமாய் முன் செல்ல

 Uthamamaai Mun sella

உத்தமமாய் முன் செல்ல

உதவி செய்யும் யேகோவா

ஊக்கமதை கைவிடாமல்

காத்துக்கொள்ள உதவும் 

1. பலவிதமாம் சோதனைகள்

உலகத்தில் எமை வருத்தும்

சாத்தானின் அக்னி ஆஸ்திரங்கள்

எண்ணா நேரத்தில் தாக்கும் --- உத்தமமாய்

2. தீர்மானங்கள் தோற்கா வண்ணம்

காத்துக்கொள்ள உதவும்

நேர்மையாக வாக்கைக் காக்க

வழி வகுத்தருள வேண்டும் --- உத்தமமாய்

3. இவ்வுலக மாயாபுரி

அழியப் போவது நிச்சயம்

இரட்சகனே நீர் ராஜாவாக

வருவது அதி நிச்சயம் --- உத்தமமாய்

4. தூதரோடு பாடலோடு

பரலோகில் நான் உலாவ

கிருபை செய்யும் இயேசு தேவா

உண்மை வழிகாட்டியே --- உத்தமமாய்